Kjære alle saman!
Det er eg som har kartet heime hjå meg. Det ligg gøymd i ei eske, men på
sundag låg det på senga, for Lise og Marthe-Julie var hjå meg for
pannekaker, prat og spiderman 2, og for å sjå på kartet og oppdatera det.
Endre kom inn og såg kartet! Det er litt dumt, men ikkje heilt krise, for
han er påliteleg og kjem ikkje til å spreia noko vidare. Men so veit de i
alle fall at han har sett kartet. For øvrig, sidan han har sett det og difor
fekk vite at det eksisterer ein klubb, har han sagt ja til at han må bidra
på ein eller annan måte på neste samling. Eg har forespeila underhaldning
for han, men eg har ein annan ide også: han disponerer nemleg farfaren sin
bil av og til! So dersom me treng å frakta noko i bil kan det henda at unge
hr. Volden vert kveldens sjåfør....
Litt seinare på kvelden skjedde det meir uheldig med kartet. Eg gjekk
omkring og rydda i stova, og då eg var ferdig med det gjekk eg på rommet.
Der var Henning. Han stod og såg på kartet. Då gispa eg skikkeleg høgt på
ein film-måte! Han seier at han ikkje såg meir enn jentenamna og at han
skjøna teikninga, men det førte likevel til ein SAMTALE om fortid og sexliv
og slikt. Heldigvis er me ganske like i haldningar og slikt (namnet hans
står trass alt med 4 strekar frå seg på det der kartet) so me var gode vener
og vel forlikte heile tida. Det kunne blitt skikkeleg stress dersom han var
ein annleis type, men han er ein god type so det gjekk veldig fint. For
øvrig er Henning også påliteleg og dersom han har sett meir enn han sa til
meg, so kjem det ikkje til å bli spreidd vidare frå han heller.
Men no veit iallefall han også om både klubb og kart, so it calls for
entertainment!
So no har me to menn som er forplikta til å underhalde oss og sidan det er
nokre seremoniar me ikkje har gjennomførd, og det jo er ganske lenge sidan
sist me møttes. Burde me få til samling snart? Ja, det burde me. Finn me ein
dag innimellom UKEfestar, SITfester og eksamen? Nokon forslag?
Kva skal ramma for festen vere? Sommaravslutning? Er det nokon som enno
ikkje er innvia? Skulle me tatt opp nye folk?
Ballen er no dykkar.
Love & Devotion 4-ever
Mari
Framleis GG-pike sjølv om hjartet mitt er meir bunde enn før.